Malerrekako Mankomunitateak, Doneztebeko Udalak, Lapaitza Gazte Asanbladak eta Erreka Guraso Elkarteak antolatuta, zenbait jarduera antolatu dituzte asteazken eta ortzegunerako Donezteben, Martxoaren 8aren harira.
Bihar, martxoaren 8an, 16:15etik aitzinera, eskulanak, musika eta tortillak izanen dituzte merendatzeko eskolako aterpean. 18:00etan berriz, eskolatik abiatuta biribilguneraino, La Farruka Batukada taldeak kalejira eginen du. Biribilgunera ailegatuta, 18:30ean, kontzentrazioa eginen dute bertan.
Ortzegunean berriz, martxoaren 9an, Jolas tailerra izanen dute Herrigunean, 17:00etatik 19:00etara. 16 urtetik gorako emakume guztian gonbidatu dituzte bertara, baina hauek izena eman beharko dute aitzinetik 641 58 99 08 telefono zenbakira idatzita. Ekitaldiei bukaera emateko, 19:00etan, Printzexa klown bakarrizketa eskainiko du Lorea Arangoak.