Paueko Administrazio Auzitegiak Michel Hiriart Biriatuko auzapez ohiak aurkeztutako helegitea ontzat eman du, eta martxoaren 15ean egindako udal hauteskundeak baliogabetzea erabaki du. Epaileek ondorioztatu dute bozketaren ondorengo zenbait prozedura ez zirela legeak agintzen duen gardentasunarekin egin, eta, ondorioz, Biriatuko herritarrek berriro bozkatu beharko dute. Hauteskunde berriak irailaren erdialdean egitea aurreikusten da.

2027ko udal hauteskundeetarako alkatetzarako jeltzaleen hautagaia Gorka Alvarez izango da Irunen. Jasone Ugarteri gailendu zaio alderdiko barne hautaketan. 2024ko uztailean Xabier Iridoiren lekukoa hartu zuen udal taldean, eta 2025eko otsailaz geroztik bigarren alkate ordea da PSE-EErekin gobernu koalizioan. Irun une erabakigarrian dagoela uste du Alvarezek, eta «proiektu estrategikoetan lanean sakontzen jarraitzeko» prest azaldu da.