Filipe Aramendik 12 gazterekin berritutako lantaldea eta 2020an abiatutako «trantsizio ekologiko, sozial eta kulturala egiten jarraitzeko» proiektua aurkeztu zuen larunbatean mukuru betea zen herriko Posta gelan. Sei urteotan urruñarren mandatuaren oinarriak jarri ondoren, orain gauzatzeko bide-orria dutela aditzera eman dute. Etxebizitza, elikadura burujabetza, kultura, euskara eta elkartegintza ez ezik, «txikienetik adinekoetara» herritarren interes orokorra defendatuko dutela hitz eman dute.

2020/2026 agintaldian Kotte Ezenarroren gobernuak eginiko 51 milioi euroko inbertsioen ondorioz, herriak pilatu duen 30 milioi euroko zorra kitatzeko dozena bat urte beharko direla aditzera eman du Laetitia Navarron hautagaiak. «Trantsiziozko agintaldi honetarako 16 milioi euroko inbestizamendu plan kontrolatua» aurkeztu du, etxebizitza, mugikortasuna, prekaritatearen aurkako borroka eta elikadura burujabetza ardatz hartuta. Ezurteak etorrita ere, taldea prest dago «ezker politikak eginez, herritarren dirua arduraz kudeatu eta inpostuak igo gabe egoera zuzentzeko».