Muga Gabe zirku festibalaren laugarren edizioa uztailaren 11tik 13ra ospatuko da Azkaine, Bera, Biriatu eta Urruñan. Mugaz gaindiko izaera duen jaialdi honek, heldu eta haurrei zuzendutako zirku garaikideko ikusgarri eta tailerrez gozatzeko aukera paregabea emango du. Guztira 4 konpainia, 9 tailer eta tokiko artista ugariren ekarpena bilduko ditu aurtengoan. 

Postetxeko oporretako udalekua zen eremua erosi zuen 2023an Urruñako herriko etxeak. Eta hausnarketa prozesu sakon baten ondotik, herritarrei irekietako Kultura Poloa bilakatu nahi du herriko etxeak. Sokorriko lurretan 15 hektareako berdegune baten erdian kokatutako zortzi eraikinak berritu, eta herritarrei irekitako elkarte, kultura eta aisialdirako topagunea izan dadin, prozesu parte-hartzaile bat abian jarri dute. Ekainaren 29an ate idekien jardunaldia antolatu dute herritarrek gunea deskubritzeko.