Bidasoko mugan migratzaile maliar batek bizi duen drama eta hari laguntzen dioten herritarren istorioa ardatz duen filma gaur estreinatzen dute Ipar Euskal Herrian, eta ostiralean Hegoaldeko zinema aretoetan. Urruñako Itsas Mendi gelan, Hendaiako Varietes zinegelan eta Irungo Ocines Mendibilen ikusi ahal izango bada, «zinemara joatearen garrantzia ez ezik, lehen proiekzioei lotutako solasaldiena» nabarmendu du Asier Urbietak estreinaldiaren atarian.

Behobia-Zokoburu (14. linea) eta San Juan-Hendaiako EHPAD (15. linea) lotzen dituzten Txik Txak autobusen maiztasun berria urtarrilaren 6an plantan eman zutenetik, %77 bidaiari gehiago lortu dute. 2016tik zerbitzu ematen duen mugaz gaindiko Hegobusaren hitzarmena 2032 urtera arte «berritu eta indartu» egin dute Irungo Udalak eta Euskal Hiri Elkargoko Mugikortasun Sindikatuak.