Abuztuan trinketean aritzen diren lau pilotari joan ziren Mexikora Euskal Selekzioarekin, bertakoekin topaketa bat ospatzera, tartean Iker Amiano, Endaiarrak Taldeko pilotaria. Euskal Ligako Txapelketako banakako finalera ailegatu zen irundarra eta horren ondorioz, Mexikora joateko aukeratua izan zen, Euskal Selekzioak ofizialtasuna lortu zuenetik egin duen lehen bidaia honetan. 

Nafarroako hegoaldeko herritarrek euskaraz aritzeko eskubidea dutela aldarrikatuko dute, laugarren urtez segidan, Bardeetan barrena eginen den Santxikorrota lasterketan. Aurtengoan gainera, alde historikoari arreta jarri nahi diote eta Santxikorrotaren pertsonaiaren inguruan arituko dira, XV. mendean Erriberan, euskaraz normaltasunez aritzen zirela oroitaraziz. Mintzaian elkarteak, hirugarren aldiz, autobusa antolatu du Hendaiatik, Arketasekin senidetuak daudela aprobetxatuz.