Hendaiako Txiki Txoko haurtzain etxea izan zen euskaraz zerbitzu ematen aitzindaria Ipar Euskal Herrian. 2013an sortu zenetik sortze-tasa nabarmen apaldu dela aitortu digute Kattalin Lekuona eta Idoia Arrondo hezitzaileek, baina 0-3 urteko 10 haur euskaraz murgiltzeko eskaintza atxikitzen dute. Hala ere, «ume bakoitzari kalitatezko denbora eskaintzeko» 8 haur baizik ez dituzte onartuko heldu den irailetik goiti. Lekua ezagutzeko bisitak onartzen dituzte, eta izena emateko epea zabalik dago Hendaiako herriko etxearen  Maison de la Petite Enfance gunean apirila arte.

Urtarrilaren 15etik otsailaren 21era errolda eguneratzeko kanpainari ekingo diote Hendaian eta Urruñan. INSEE erakundeak urtero 10.000 biztanle baino gehiagoko herrietan, biztanleen %8aren gainean egiten du inkesta, errolda eguneratzen joateko. Etxez etxeko bisitak eginen dituzte teknikari erroldatzaileek.