Hondarribiko Udalak herrian bazterkeria egoeran edo kale gorrian dauden pertsonen zenbaketa ofizialean parte hartuko du aurreneko aldiz. Eusko Jaurlaritzak EAE mailan bi urtetan behin eta 20.000 biztanle baino gehiagoko udalerrietan egin ohi duen azterketa urriaren 23tik 24rako gauean egingo dute. Hondarribikoa auzoka egiteko bolondresak bilatzen ditu Udalak.

Zerbitzua munizipalizatzea gaur-gaurkotz ezinezkoa dela argituta, ekainean «eskuzabaltasunez» jokatu zutelakoan dago Josu Peña Gizarte Kohesiorako ordezkaria. Azaldu duenez, «langileekin pentsatuz soilik urtebeteko kontratua» esleitu zuen Hondarribiko Udalak, iaz Clece enpresa eta langileek adostu ez zuten Lan Hitzarmen berria negoziatu eta 2025eko ekainean kontratu berrian aintzat hartu ahal izateko.