Iaz 116 lagunek hartu zuten parte ekimenean, eta urritik ekainera arte euskaraz hitz egin nahi duten irundar guztiak animatzen dituzte talde batean izena ematera. Astean ordubeteko konpromisoa besterik ez du eskatzen, eta inguru sozial euskalduna ez duten herritarrei (Bidelariak) mesede egiteaz gain, lagun berriak egiteko aukera paregabea dela diote partaideek. Taupa elkarteak antolatuta, mendi taldea ere osatuko dute aurten, eta ekintza edo txango osagarriak egingo dituzte partaideen zaletasunaren arabera. Urte osoan zehar irekita mantenduko dute izena emateko aukera www.irun.org eta euskaltegietan.