Biriatuko auzapez ohiak erretiroa hartuko du politikan, eta ez du irailaren 27ko bozetan bere burua aurkeztuko. Haren ordez, Elur Alberdik ordezkatuko du Altxa Biriatu zerrendako hautagai gisa. Jatorriz Hondarribikoa, 49 urte ditu eta arraunketan paralinpikoa eta munduko txapelduna den kirolaria aurkeztuko dute epaileek baliogabetutako martxoaren 15eko hauteskundeetako emaitzak hobetzeko xedez.

Martxotik luzatu den korapilo administratibo eta judizialak iraila bukaeran izanen du bukaera, ongibidean agintaldi osoa eginen duen taldea hautatzeko bozekin. 2033ra arte izanen dira agintean irabazleak.