Urte bukaera arte sare sozialetan kanpaina egingo dute Irungo Udalak lagunduta, baina euskarri digitalean oinarritutako kanpaina izango bada ere, merkatarien eta bezeroen arteko aurrez aurreko harremanak balioan jarri nahi dituzte, auzoak biziarazi eta bezero eta saltzaileen arteko konfiantzazko harremanak aldea egiten duela oroitaraziz.

Hondarribiko jarduera komertziala eta ekonomikoa sustatzeko laguntzak ekainaren 15era arte eska daitezke BAZen. Enpresa proiektu berriak laguntzeko 5.000 euro artekoak, eta dagoeneko martxan dauden establezimenduen modernizazioa bultzatzeko 8.000 euroko laguntzak eskaintzen dituzte. Haatik, Alde Zaharrean kokatutako establezimenduen kasuan laguntza handiagoa izan daiteke.