Festa ondokoan etxera bakarrik ez joateko zerbitzua emango dute boluntarioek, Puntu Morean akonpainamendua eskatzen duenarentzat. Bestalde, laguntza profesionala jasotzeko Telefono Morea (607 07 02 02) eta Whatsapp aplikazio bidezkoa 24 orduz etenik gabe funtzionatuko du ekainaren 23tik uztailaren 1era. Eta ekainaren 12-13 eta 19-20ko asteburuetan ere aktibatuko dute. Udalak indarkeria matxistak, alkohola eta droga kontsumoak prebenitzeko ekimen andana adostu dituzte jaietako dispositiboan. 

Ekainaren 13an Gozategiren kontzertuan telonero lanetan ariko da Folkesi talde gaztea. Aurten mila irundar inguruk bozkatu dute euskal taldeen kontzertu egunetarako teloneroen hautaketa prozesuan. Eta irabazleak Slimfit eta Sivana taldeei gailendu zaizkie. Ekainaren 23an, aldiz, Wonka y Waje 4LEB taldeari egokitu zaio Belerekin kartela partekatzea.