Berako erdigunetik egunero pasatzen diren ia lau mila auto inguru, herriko kanpoaldetik bideratuko ditu sahiesbide berri honek. Obren geldiunearen ostean, azaroan berrartuko dituzte eta proiektua osorik gauzatu ahal izanen da 2028rako. Nafarroako Gobernuak asumitu du gastua inbertsio programa berrian.

Osakidetzak bertan antolatutako Txertogunean, egunero batez bestean 300ndik gora lagun txertatzen ari dira Covid-19 eta gripeaz. Aurtengo kanpainan jarritako dosi kopuruak iazkoa gainditu egin du dagoeneko %20 eta %15 batean hurrenez hurren. Eta urriaren 19an hitzordurik gabe egiteko martxan jarritako Txertoguneari esker gazteak ere animatzen ari direnez, birusaren zirkulazioa moteldu eta talde-babesa hobetzen ari da. Urriaren 30ean itxiko dute ESI Bidasoko "Txertogunea", baina txertatze-kanpaina urte bukaera bitartean luzatuko dute, norbere mediku edo erizainaren bidez, ohiko kontsulta eskatuz.