Bidasoa ondoko ibaibidea, Matzada eta Iturlandetako erreka bazterrak auzolanean garbitzeko deialdia luzatu dute Berako Udalak eta Ehiza eta Arrantza elkarteak. Uztailaren 17a izango da izena emateko azken eguna, eta zabor bilketarako eskularruak eta oinetako egokiak ekartzeaz gain, motozerrak, aihotzak, igitaiak aizkorak eta bestelako tresneria duenak eraman ditzala eskatu dute.

Muga Gabe zirku festibalaren laugarren edizioa uztailaren 11tik 13ra ospatuko da Azkaine, Bera, Biriatu eta Urruñan. Mugaz gaindiko izaera duen jaialdi honek, heldu eta haurrei zuzendutako zirku garaikideko ikusgarri eta tailerrez gozatzeko aukera paregabea emango du. Guztira 4 konpainia, 9 tailer eta tokiko artista ugariren ekarpena bilduko ditu aurtengoan.