Urte berriaren hasiera aitzakia ezin hobea izan daiteke egiteko berriak probatzeko, eta hori aprobetxatuta, kirol modalitate berezi batean trebatzeko aukera eskainiko dute Beran. Hain zuzen, urtarrilaren 17an entrenamendu irekia antolatu dute Eztegara frontoian, eskuzko pilota modalitate zaharrenetariko bat ezagutzeko: bote luzea.

Orain dela 19 urte Luis Mari Pikabea “Loro”-k, Xabier Saralegik eta Xabier Zubietak bizia galdu zuten Taillon eskalatzen ari zirela, eta mendian hildako hiru bortziritarren omenez sortu zen Mendi Eguna Beran. Beraiek oroitzeko eguna izanen da aurtengoa ere, urtarrilaren 10ean, larunbatarekin izanen da hitzordu nagusia, eta urtero gisan Santa Barbarako krono-igoera eginen dute. 15:30etan hasiko da proba eta lasterkariek herrigunetik Santa Barbarara joan etorria egin beharko dute, bortz kilometro eta erdiko ibilbidea denera.