Baztango Kultura Zerbitzuak antolatuta, otsailean, mozorro eta antzerki tailerra antolatuko dute Elizondoko Arizkunenea kultur etxean. Ikastaroetan parte hartzeko izena eman beharko da, urtarrilaren 30tik otsailaren 3ra bitarte.
Mozorro tailerra familiei zuzendua egonen da eta Amaia Zinkunegik eskainiko du. Otsailaren 4ean eta 11n ospatuko da, 10:00etatik 13:30era. Prezioa izena ematen duten pertsonen kopuruaren araberakoa izanen da: bi partehartzailerekin 36 eurokoa, hiru partehartzailerekin 48 eurokoa eta lau partehartzailerekin 60 eurokoa. Materiala prezioaren barruan sartuko da.
Antzerki tailerra berriz, Josune Gorostegi aktoreak emanen du. 17,5 orduko ikastaroa izanen da eta otsailaren 7tik aitzinera asteartero ospatuko da, 19:00etatik 21:30era. Gutxienez sei eta gehienez hogei pertsonako taldea osatu beharko da eta matrikula 51 eurokoa izanen da Baztanen erroldatuentzat eta 68 eurokoa erroldatu gabekoentzat.
Bi ikastarotan izena emateko epea urtarrilaren 30ean irekiko da eta otsailaren 3an itxi. Horretarako, 948 581 279 telefono zenbakira deitu beharko da edota kultura@baztan.eus helbidera idatzi.