Tdiferencia antzerki taldeak Oso printzesa iletsua ipuin kontaketa eginen du larunbat honetan, azaroaren 3an, Zubietan. Euskararen Eguna ospatzeko, hiru urtetik gorakoentzat zuzendutako ikuskizuna eskainiko dute herriko eskolan, arratsaldeko 17:00etan. Zubietako udalak, Nafarroako Gobernuak eta Euskarabideak antolatutako jarduera da eta 45 minutuko iraupena izanen du.