Ekainaren 15az geroztik txertaketa kanpaina 12-17 urtekoen artean ere martxan denez, eta %71k gutxienez txertoren lehen dosia hartua duenez, frantses Gobernuak COVIDari aurre egiteko neurrien artean, osagarri ziurtagiria (Pass Covid) aurkeztea baitaezpadakoa izan dadin agindu du, eskolaz kanpoko jardueretan, bai eta museo eta kultur aretoetan sartzeko ere.
Eskolaz kanpoko jarduera eta kiroletan, neurria derrigorrezkoa izango da elkarteetan bereziki. Eta kontrolak, saio guztietan egitera behartuak dira. Hendaiako Englantins futbol taldeko eta Endaiarrak pilota elkarteko ordezkariak, kezkaturik agertu dira, gainerako kirol klubetan bezala, entrenamendu eta partidetarako euren jardunean eragin zuzena duelako. Eta kontrola nola eta zein baldintzetan egin beharra dagoen ere, ez delako argi orainidik.