Ostalaritzaren itxiera iritsi da Hondarribiara

Antxeta Irratia 2021eko otsailaren 2a
Deskargatu Info Ahotsak :

Atzo Osakidetzak plazaratutako asteburuko datuek ez dute atsedenik eman. Baina gaurkoan zertxobait arindu da. Ostiraletik igandera, 100 positibo atxeman zituzten Irunen, eta 24 Hondarribian. Osakidetzak gaur jakitera eman duenez, aldiz, atzo astelehenean 5 positibo izan dira Hondarribian. Eta 21 gehiago Irunen. Hobekuntza nabarmena da, bereziki Irunen, igandeko 42 positiboen erdia baita. Halere, gorabeherak ematen dira egunetik-egunera. Nolanahi ere, atzoko datuei esker, intzidentzia-tasa apaldu egin da Irunen, 735etik 715era. Hondarribian, aldiz, atzoko berbera da, 559koa.

Edozein kasutan, gune gorrian jarraitzen dute bi herriek. Eta Donostiatik Hondarribira, Oiartzun izan ezik, Oarso-Bidasoa eskualde osoa gune gorrian aurkitzen da.

Irunen astebete darama ostalaritzak itxita. Hondarribian, aldiz, hirugarren itxialdia gaur sartu da indarrean. Eta Hondarribiko alkatearekin hitzegiteko aukera izan dugu.


Aisia