2021era begira, hiriko artisten erregistro edo errolda baten osatzea, eta kolektiboa eta Udalaren arteko bilera egiteko konpromisoa adostu dute. Hemendik goiti, laguntzak beste molde idekiago batez banatzeko.
Kultura KM0 laguntza programaren segidarako planteamendu zabalago baten konpromisoa hartu du Irungo Udalak
Azken herriko kontseiluan hartu zuen erabakia. Gabonetarako kultur hitzorduak tokiko artistekin antolatzea, eta horretarako 50.000 euroko laguntzak banatzea deliberatu zuen gobernuak. Baina arlo ezberdinetako 50 bat kulturgile biltzen dituen Irungo Artisten Kolektiboak gogor salatu zuen, ez zuela laguntza deialdira aurkezteko parada izan. Lehiaketarik gabe, eta modu ilunean erabaki zirelakoan.
