Olentzeroren etorrerarako sarrera gonbidapenak agortu dira

Atzo arratsaldeko 18:00ak aldera jaiotza batek sua hartu zuen Irunen. Ikusgarria izanagatik ere, kalte materialak besterik ez ziren eman, eta goiz hontan oraindik ere ke edo erre usaina agerikoa zen, Junkal eliza pareko Junkal eta Santiago kaleen arteko bidegurutzean. Bertako baxu batean eman zen sutea, Erromes plazaren aldamenean. Bi suhiltzaile kamioi eta furgoneta bat mobilizatu ziren, eta larria zitekeena, susto txiki batean geratu zen. Anartean, Irunen, Udalak gabonetarako antolatutako jardueren artean, Olentzeroren etorrerarako sarrera-gonbidapen guztiak agortu egin dira. Atzo goizeko 10:00etan ireki zuten epea interetez, eta 9 ordutan agortu ziren bi egunetarako pasaldi guztiak.