Halere, dena ongibidean, gobernu koalizioa errealitate bat izango da. Eta 2023 arteko agintaldi honetan Irungo udalgintzaren eszenatokia aldatu egingo du. Baina noraino, ezin da oraindik neurtu.
Oposizioko talde nagusia, EAJren iritzia jaso dugu gaurkoan. Baita EH Bildurena ere. Jeltzaleek argi utzi dute, sozialistek agintaldi honetan aurkeztu dituzten diktamen eta proposamen guztiak onartu dituela orain artean Santanoren gobernuak. Eta beraz, alkateak pandemiaren krisiari aurre egiteko argudiatu duen "estabilitatearen" beharra egia denik ukatu du Xabier Iridoy jeltzaleak. Era berean, udal gobernu berriak "moderazioa galdu" eta "erradikalizatzeko" arriskua duela ohartarazi du.
EH Bilduk, aldiz, Elkarrekin POdemos behin gobernuan sartuta, koalizio abertzalea oposizioan ezkerreko alternatiba bakarra dela nabarmendu du, eta gobernuari kontrol zorrotza egingo diola. Hurbileko markajea.
Entzun ditzagun bi udal taldeetako bozeramaleek esan digutena.
EAJ Xabier Iridoy
EH Bildu Jokin Melida