Joan den ostiralean hiru aste bete zituzten Irun eta Hondarribiko ostatu eta jatetxeek itxita. Eta Eusko Jaurlaritzak ez du oraindik argitu, abenduaren 8tik aurrera berriz ireki ahalko duten.
Ostiralean bertan, Hondarribiko hamarnaka ostalari bildu ziren Kale Nagusian, udaletxearen aurrean kontzentrazio isila egiteko. Udalak hainbat tasa kendu dizkiela onartu dute, adibidez, terrazen tasa. Baina jabetzaren tasa, edota Txinzer-ek hitz emandako ura eta zaborraren tasa hiru hilabetez ez pagatzearena, oraindik kobratzen jarraitzen dietela salatu dute.
Era berean, Irungo Udalak ostalari bakoitzari 1.000 euroko laguntza ematea erabaki duen bezala, Hondarribiko Udalak ere gauza berbera egin dezala eskatu dute.
Zentzu honetan, Txomin Sagarzazu alkateak joan den ostiralean iragarri zuen, laguntza zuzenak aztertzen ari direla. Eta pandemiaren ondorioei aurregiteko ekimen falta dutela leporatu dieten oposizioko udal taldeen aurrean, lanean ari direla oroitrarazi nahi izan du.
Txomin Sagarzazu ostalariei buruz mintzatu da gurean.
