Gogora dezagun, bestalde, Biriatun eta Urruñan iada, bigarren etxebizitzen gaineko zerga igotzeko hautua egina dutela. Eta Urruñako auzapezak, Philipe Aramendik, urriaren bukaeran agintaldiko lehen 100 egunen bilana egin zuenean, argi utzi zuela bizitegi sozialen arloan politika ausarta egingo duela gobernu berriak. Legeak agintzen duena baino nabarmen eskaxagoa da Urruñan ere eskaintza sozial edo publikoa. Baina hutsunea betetzen joanen dira. Hendaia Biltzen taldeko Iker Elizalderekin hitz egin dugu
Hendaia Biltzenek, herriak duen bizitoki sozial eta publikoen eskaxiari aurregiteko, neurri zehatzak proposatu dizkie udal gobernukide sozialistei
Kotte Ecenarro prest da etxebizitza huts eta bigarren etxebizitzen gaineko zerga emendatzeko. Baina, aldiz, etxebizitza sozialen kopurua orekatzen joateko, legeak agintzen duena baino haratago joatea eskatu du talde abertzaleak. Une hontan, eraikuntza berrien %40a soziala edo axelem delakoa behar du. Baina Hendaian defizita handia denez, promozio berrien %60a sozial izan dadin nahiago luke Hendaia Biltzenek.
