Marinel arrantzontzia, Euskal Herrian osorik mantentzen den legazketari bakarrenetakoa konpontzen ari zela istripu baten ondorioz zendutako Enrike Lekuonaren omenez beka sortzeko eskaera egin zuen iaz EH Bilduk. Eta iazko urriko udalbatzan aho batez onartu zuten Udaleko alderdi politiko guztiek. Itsas ingeniariak eta artistak egindako ekarpenari jarraipena ematea da bekaren helburua.
EH Bilduk Lekuonaren senideekin, Sustraia elkarteko kideekin eta Aranzadiko ordezkariekin hitz egin ondoren, erabaki zuen beka sortzeko proposamena egitea. 10.000 euroko diru laguntza emanez, bi urterako ikerketarako deialdia izango da beraz.
Xabier Isasi EHBilduko ordezkariarekin hitz egin dugu
