Hegoaldean etxeratze agindua gaueko 22:00etan indarrean bada ere, migranteak kale gorrian lo egitera behartuak direla salatu dute. Gurutze Gorriak baldintza zorrotzak ezartzen dituelako aterpetxean sartzeko.
Harrera Sareko kideekin mintzatu zen ostiraleko ekintza hortan Koldo Nausia lankidea. Eta erran ziotenez, frantses estatura sartu eta kanporatuak izan diren dublinatuak ez dituzte berriz onartzen, ezta espainiar Estatuan sei hilabete baino gehiago daramatzatenak ere.
Datozen egunetan, gainezka dagoen Kanariar Irletatik Euskal Herrira 500 migrante bideratuko dituztenez, egoera honekin kezkaturik agertu da Harrera Sarea.
Bertako Josunek esplikatu digunez, iada ostegunean bi emakume gaztek San Juan plazako bankuetan lo egin behar izan zuten.
