Bizitzeko erresistitu, eraldatzeko martxan! nazioarteko lemapean, bost urtean behin munduko 193 herrialdeetako kolektibo feministek abian jartzen duten dinamikarekin bategin dute Euskal Herrian ere, 2000. urteaz geroztik egin duten bezala. Oraingo hontan, aldiz, kapitalaren oldarraldi autoritarioaren aurrean, sistema kapitalista, arrazista eta hetereopatriarlakak emakumeengan eragiten duen prekarietatea agerian utzi nahi dute, biziraun baino, bizitzeko feminismotik erresistitzeko deia luzatuz.
Irun eta Hendaia hamarkada luzeetan banatu, eta oraindik ere askorentzat zubi-harresi den Avenida Zubia zapi morez jantzi zuten larunbatean. Nazio-estatuek inposatuta, Euskal Herria zatitzen dutelako. Eta Europa Gotorleku bilakatuta, migrazio politika arrazista eta kolonialen lekuko delako.