Behe Bidasoa eskualdean ez ezik, aurrerantzean Donostian (105.8 FM), Iruñean (106.7 FM), Bilbon (91.4 FM) eta Gasteizen (90.4) entzun ahal izanen da AntxetaBi Irratia. Eusko Jaurlaritzak 2012.urtean irrati frekuentzien deialdia zabaldu zuen unean abiatu genuen bidea, irrati komunitarioek "alegaltasun" egoeratik atertzeko duten eskubidea aldarrikatuz, deialdian gainontzeko irrati pribatuekin batera lehiatu ginen. Donostian lortu genuen eta ondoren ekin diogu bideari.
Irrati komunitarioa da Antxeta Irratia, komunikabideen 3.sektorean kokatzen da. Arrosa sareko (Euskal Herriko irrati libreen sarea) kide da, uhinen demokratizazioa eta euskalduntzea aldarrikatzen duena egunez egun.
Hedapenarekin, frekuentzien mundua euskalduntzea dugu xede, eta baita Lapurdi, Zuberoa eta Behe Nafarroakoa informazioa modu zuzenean hedatzea ere, ahalik eta leku gehienetara. Radio Kultura, Arrosa sarea eta Euskal Irratiak sarea dugu bidelagun horretarako.
