Irungo EH Bilduk eta Batzar Nagusietako EH Bilduk eta Ahal Duguk alarde parekideari harrera egiteko eskaera luzatu diote Jose Antonio Santano alkateari. Harrera egingo ote duen galdegin diogu eta Alkateak, "oraindik gelditzen da... horretarako oraindik gelditzen da", erantzun du.
Alkateak Alarde Parekideari harrera egingo ziola zioen fake new-a "bolo-bolo" ibili da azken aldian eta "ez zaio garrantzia gehiago eman behar. Pena ematen du halakoak gertatzea. Sareetan zurrumurruekin jokatzen da eta garrantzitsuena informazio iturri onetara heltzea da", adierazi du Santanok.