Hendaiako eskola publikoa zena zaharberritu eta Gure Ikastola eta eskola publikoaren artean banatu dute. Jean Jaurès izena hartu duen eraikinak bi ekitaldi jaso ditu batera: eskola publikoaren berritze lanen aurkezpena eta ikastolaren eraikin berria ofizialki inaguratu da. Hiri erdian kokatua dago, Gaztelu Zahar frontoiaren ondoan, ikastolaren espazio beharrari erantzunez zaharberritu dute eraikina eta zer-esan handia sortu zuen udalaren proposamenak. Hiri erdiko eskolako zenbait gurasok haserrea azalerazi zuten, baina egun, egoera normalizatu da.
Jean Jaurès eskola taldea inaguratu dute
