CPIE Euskal Itsasbazterrak erakundeak antolaturik, Hendaia eta Urruñako Zokoa arteko erlaitza edo kornisaren artean Erlaitzaren Besta ospatuko dute urriaren 1ean. Natuta eta ingurumenaren zaintza, kultur adierazpide eta gizarte eragileen partaidetzarekin, 10. urtez ospatuko dute Erlaitzaren Besta.
Horretarako, goizeko 10:00etatik 18:00ak arte Erlaitzako errepidea itxi eginen dute, eta gune ezberdinak izango dira sentsibilizazio eta gozamenerako zuzendutako jarduerak proposatuz. Abbadiako Jauregitik hasi, eta Zokoaraino, Asporotsttipi Interpretazio Zentroa edota Haizabia opor gunean, besteak beste.Urtero bezala, tren-berde moduko bat ezarriko dute Erlaitzako gune ezberdinetara hurbildu ahal izateko. Baina antolatzaileek ohartarazi dute, ilarak sortu ez daitezen, zerbitzu hau bereziki adineko pertsonei, mugikortasun arazoak dituztenei edota haur txiki-txikiak dituzten familiei zuzenduak direla. Eta gomendatzen dute, oinez ez bada, bizikleta eramatea, familia-giroan, Erlaitzan gora eta behera eguna pasatzeko xedez.
Germaine Acala Urruñako hautetsiarekin hitz egin du Aitor Errazkin lankideak bestaren inguruan