(H)ilbeltza ekimenak orain dela hamar urte antolatu zuen lehen aldiz Euskal Nobela Beltzaren Astea Baztanen. Hamar urteren ondotik, genero beltzaren inguruko interesa oraindik ere bizirik dagoela ziurtatu dute eta horregatik, hamargarren edizioa ospatzeko prest daude. Urtarrilaren 22tik 28ra eginen dute aurten eta Aitziber Zapiain (H)ilbeltza ekimeneko kideak azaldu digu zein den egitaraua.
Ilbeltzak 22, astelehena
Idazleekin Solasean eginen dute Arizkunen, VI. (H)ilbeltza bekako irabazlea den Beñat Irastorza Ugalderekin. Fred Vargasen Altxa hildakoakeleberriaren itzulpena egin du Irastorzak. 19:30ean Medikuaren etxean izanen da solasaldia.
Ilbeltzak 24, asteazkena
Klasikoaren txanda izanen da Anizen; Miren Agur Meabek Eusebio Erkiaga: Arranegitik bertze auzo batzuetara solasaldia aurkeztuko du. 19:00etan Mendiarte elkartean bilduko dira.
Ilbeltzak 25, ortzeguna
Solasaldia izanen dute Berroetan Jon Alonsorekin, Carvalho Euskadin liburuaren inguruan. Irati Jimenez izanen da elkarrizketatzailea. 19:00etan Gure Ametsa elkartean bilduko dira.
Ilbeltzak 26, ortziralea
Mirande, film baterako zirriborroa dokumentala proiektatuko dute Iruritan Josu Martinez zuzendariarekin. 19:30ean Gizarte Bilgunean izanen da emanaldia.
Ilbeltzak 27, larunbata
Egun guziko jardunaldia izanen dute Elizondon eta Erratzun. 11:00etan Sorgin-ehiza Euskal Herrianmahai-ingurua eginen dute Arizkunenea kultur etxean. Ane Esalava izanen da moderatzailea eta Amaia Nausia Pimoulier, Asisko eta Juainas Paul Arzak hizlariak. 14:00etan bazkaria eginen dute Erratzuko Elkartean. 17:00etan hiru libururen aurkezpenak eginen dituzte: Ernesto Praten Mendeku eskubidea, Mikel Begoñaren Hiru etxe Santa Monikan eta Xabier Lasaren Ura ez baita beti gardena. Eguna akitzeko, 18:30ean Eblatz: Susmagarrien gaua eginen dute Erratzun barna.
Ilbeltzak 28, igandea
Goizean Erraiak etsai itzuli beltza eginen dute Beratzunen, 10:30ean Elizondoko plazatik abiatuta. 19:00etan, berriz, Izu-gar-irrizko bertso saioa izanen da Arizkunenean; Nerea Ibarzabal, Alaia Martin eta Saioa Alkaiza izanen dira kantari, Amaia Agirreren gidaritzapean.