Erran.eus atariak jakinarazi duenez, sute batek bortz auto kiskali eta bertze lautan kalteak eragin ditu bart gauean Lesakan. Ibilgailuak Antoiu karrikako aparkalekuan zeuden, Eskolttikiko gibeleko aldean. Julen Zelaieta kazetari bortziritarrak argitaratutako bideoan ikusten da sugarrek hartu duten indarra.
Nafarroako Larrialdi Zerbitzuetan goizaldeko 05:07an hartu dute abisua eta suhiltzaileak joan dira itzaltzera. Foruzainak gertatutakoa ikertzen ari dira eta oraindik ez dakite sua zerk eragin duen.