Duela urtebete Bilboko Kafe Antzokian 150 pertsona baino gehiago bildu ziren Gure Esku Herri libre bat kanpaina aurkezteko, eta eskualdez-eskualde aurkeztu zuten ondoren iaz Euskal Herri luze eta zabalean. Gure eskualdean ere, 2024ko maiatzean egin zuten, eta ekainean Bagara bideo maratoiaren ekimena aurkeztu zuten Donostian. Gure Herriaren nondik norakoak, berezitasunak eta handi egiten gaituzten txikitasunak ikusarazi nahi izan ditu Gure Eskuk ekimen horrekin. «Herriak martxan jarri nahi ditugu ilusiotik, eta sormena piztu nahi dugu, elkarrekin gure herria erakusteko, 360 graduko Euskal Herria ikustarazteko», argitu zuten aurkezpenean. Izan ere, Euskal Herriko herri guztiak bideo kate baten bidez elkartzea helburu dute.
Oraingo honetan, ideia berriak jaso nahi dituztela argitu dute, eta Bidasoaldean dinamika azkartzeko bilera irekia antolatu dute Irungo Bidasoako EKT elkartean, martxoaren 25ean, 19:00etan.