Abuztuaren 1ean hasiko dira festetako lehen ekintzak, txosnagunea 21:00etan irekiz eta 21:30ean presoen aldeko elkarretaratzearekin. Hurrengo egunean, gosari herrikoia egingo dute 10:00etan, eta 19:00etan hasiko da Zker elektrotxaranga, gauean Kilimak eta DJ Infernu ariko direlarik. Igandean, abuztuaren 3an, Bisai taldearen kontzertua izango da 23:00etan. Astelehenean, 4an, mozorro eguna ospatuko da auzo jokoekin eta Zaunka taldearen eta DJ Diskodeliaren emanaldiekin. Asteartean, Itzal erromeriak girotuko du arratsaldea eta gaua. Eta abuztuaren 6an, mutxikoak, Los Txingones de la Rencle eta Harat taldearekin borobilduko dira bestak.
EGITARAUA:
Ostirala, abuztuaren 1a
21:00 – Txosnagunea irekiera
21:30 – Presoen aldeko elkarretaratzea
Larunbata, abuztuaren 2a
10:00 – Gosari herrikoia
(Produktuak: xingarra, txistorra, xolomoa eta tortilla. Txartelak: 10 euro, Agaran salgai uztailaren 29ra arte)
Txupinazoa gosariaren ondoren
19:00 – Txosnagunearen irekiera arratsaldez
Zker elektrotxaranga
23:00 – Kilimak taldearen kontzertua
00:30 – DJ Infernu
Igandea, abuztuaren 3a
23:00 – Bisai taldearen kontzertua
Astelehena, abuztuaren 4a – Mozorro Eguna
16:00 – Auzo jokoak Frantxia Haltzuet Altzate plazan
(13 urtetik gorakoentzat. Izen-ematea Errekalden, Katakun, Purienean edo online uztailaren 29ra arte)
Auzo jokoak amaitzean – Merienda parte hartzaileentzat
19:30 – Zaunka taldearen kontzertua
Ondoren – DJ Diskodelia
Asteartea, abuztuaren 5a
19:00 – Itzal erromeria (1. saioa)
23:00 – Itzal erromeria (2. saioa)
Asteazkena, abuztuaren 6a
12:00 – Mutxikoak
19:30 – Los Txingones de la Rencle
23:00 – Harat taldearen kontzertua