GAZTEAK ON lehiaketa Gipuzkoako Foru Aldundia-k antolatutako “Mugaz gaindiko herritartasun-proiektuak "Ideiak 2026” programaren barruan dago. Egitasmoa Bidasoaldean elikadura burujabetzaren arloan lanean ari diren hiru erakundek sustatzen dute: Labore Txingudi, Maia Permaculture eta Hendaia kooperatiba.
Lehiaketaren helburua gazteen artean bertako, ekologiko eta osasuntsu elikadura sustatzea da. Aldi berean, eskoletan egiten diren proiektuak ezagutarazi eta ideia berriak garatzeko aukera eman nahi du. Talde bakoitzak bideo bat aurkezten du, bere proposamena azaltzeko.
Aurten 30 taldek parte hartuko dute. Iazko edizioan, 2025ean, 14 taldek aurkeztu zituzten euren bideoak. Lanek elikadura jasangarriaren inguruko hausnarketak eta proposamenak bildu zituzten.