Biriatuko ikastolaren aldeko bertso emanaldia bertsolaritzaren festa handia izango da. Parte hartuko duten bertsolariak honako hauek dira: Amets Arzallus, Maialen Lujanbio, Andoni Egaña, Miren Artetxe, Alaia Martin eta Aimar Karrika. Bertsozaleek Euskal Herriko puntako bertsolarien saioaz gozatzeko aukera izango dute.
Ekitaldi hau ez da soilik bertsoaz gozatzeko aukera izango, baizik eta ikastolaren aldeko elkartasuna bultzatzeko ekimen garrantzitsua ere bada. Izan ere, Biriatuko ikastolak 10 urte betetzen ditu aurten, eta datozen urteetarako etorkizun sendoago bat eraikitzeko beharrezko baliabideak lortzea du helburu.
Biriatuko ikastolaren egoera eta etorkizuneko erronkak
Biriatuko ikastolak gaur egun 21 familiaren babesa du eta hurrengo ikasturtean 11 ikasle berri izango ditu. Hala ere, azken urteetan espazio berrien beharra nabarmena izan da. Horregatik, Biriatuko herriko etxeak sala bat alokatu die zenbait jarduera bertan egiteko. Dena den, ikastola berria behar dute eta horretarako irtenbide bat aurkitu dute: Bakea eraikina.
Herriko etxeak eta ikastolako gurasoek azaldu dutenez, Herri Elkargoaren jabetzakoa den Bakea eraikina aukera paregabea izan daiteke Biriatuko ikastola berria sortzeko. Udalak bere babesa erakutsi du proiektu honen alde, eta bertso saioa ekimen horri bultzada emateko antolatu da.
Sarrerak eta informazio gehiago
Bertso emanaldirako sarrerak jada salgai daude Xoldoko eta Xaia ostatuetan. Gainera, telefono hauetara idatziz ere eskura daitezke:
+33 688 769 907
+34 647 642 393