Jokin Pinatxo beratarrak Gaztea saria jaso du

Antxeta Irratia 2026ko martxoaren 6a
Deskargatu Info Ahotsak :

Garaikurrarekin itzuli zen etxera Jokin Pinatxo beratarra Bilbon egindako Gaztea sarietatik. Janus Lester taldeko gidaria da eta artista onenaren saria irabazi du. Abesti onenaren kategorian ere izendatu zuten Janus Lester Bi begi bi lore abestiarengatik.

Olaia Inziarte baztandarra ere izendatua zegoen disko onenaren kategorian Zerrautsa lanagatik. Bi artista nafarrek parte hartu zuten galan. Olaia Inziartek Saldu genizun kanta jo zuen Izarorekin batera, eta Janus Lesterrek, berriz, Nogen taldearekin batera jo zuen Bi begi bi lore abestia. 

Janus Lesterren disko berria

Bestalde, pasa den astean jakinarazi zuen Janus Lesterrek aurtengo abenduan argitaratuko duela bere hirugarren diskoa. Abenduaren 19an Bilbon eta 26an Donostian eginen ditu lan berriaren aurkezpen kontzertuak, eta dagoeneko sarrerak salgai daude. 

Musika Bortziriak