MUGALAN proiektuaren ekimena izanen da biharkoa: iparraldea eta hegoaldea elkartzen dituen Tokiko Enplegu Azoka. Lan bila ari den herritar oro gonbidatua da eta curriculuma eramatea ere gomendagarria izanen da. Enpresa eta enplegu-eskatzaileen arteko harremanak sustatuko dira elkarrizketen bidez.
MUGALAN lankidetza-proiektu bat izanik, enplegu-zerbitzuek (France Travail, Servicio Navarro de Empleo - Nafar Lansare), garapen-agentziek (Cederna Garalur eta Bidasoa Activa), Euroeskualdeak, Berako Udalak eta enpresek (iparralde eta hegoaldekoek) hartzen dute parte.