Atzo egun konplikatua izan zuten Hendaiako hondartzako sokorri zerbitzuek. SDIS zerbitzuen tenienteak atzo jakinarazi zuenez bi salbamendu erreskate larri burutu behar izan zituzten hondartzan, bata bestearen atzetik. Izan ere, eguerditan, 46 urteko gizon bat urtetan bainatzen ari zela atera eta artatu behar izan zuten. Bihotzekoak jota, helikopteroz larri eraman zuten Baionako ospitalera. Helikopteroak lur hartu ahal izateko, Ondarraitz hondartzaren parte handi bat hustu behar izan zuten, eta hondartzako Neptune klubeko jolas gunean zeuden haurrak bertatik atera.
Gizona larriki ebakuatu zuten, eta berehala, hondarretan etzanda zegoen 86 urteko beste gizon bat bihotzekoak jota artatu zuten. CRS eta suhiltzaileek bihotz-suspertze lanak egin zizkioten arren, maluruski, bertan zendu zen gizona. Bere bizitza salbatu ezinik, hilotza Gurutze Gorriaren sokorri gunera eraman zuten.
Irudia: Edith Anselme