21. Sagarraren eta prentsaketaren festa ospatu zuten Abadiako eremuan, Hendaiako Garapen Iraunkorraren 18. astearen baitan. Aurtengo hitzorduak Euskal Itsasbazterra CPIE elkartearen 40. urteurrenarekin bat egin du, eta egun osoan zehar ekintza ugari antolatu dituzte.
11:00etatik 18:00etara, bisitariek ohiko sagar prentsaketa publikoa eta zuku dastaketan parte hartzeko aukera izan zuten. Horrez gain, tokiko produktuen azoka, taloak, txalaparta eta haurrentzako sagar olinpiadak ere izan ziren. Biodibertsitatea babesteko tailerrak eta SAGARTZEA elkartearekin sagastira egindako bisita ere antolatu zituzten.
Eguneko beste une garrantzitsuetako bat mahai-ingurua izan zen. «Euskal itsasbazterra hemendik 40 urtera?» izenburupean, trantsizio ekologiko eta klimatikoek datozen urteetan ekarriko dituzten erronkei buruz hausnartu zuten. Euskal Itsasbazterra CPIE elkartearen 40. urteurrenak, beraz, iraganari begiratzeaz gain, etorkizuneko erronkei aurre egiteko beharra ere azpimarratu du.
Igande hontako hitzorduaren inguruan, Jon Frahier, Euskal Itsasbazterra CPIEko misio-kargoduna, eta Gabriel Durruty, SAGARTZEA elkarteko ordezkariarekin hitzegin genuen.