Garoa Lekuona Euskara zinegotziak hasierako hitzartzean eskerrak eman dizkie ikastaroan parte hartuko duten udal langileei. Udalaren Euskara Plan Estrategiko berriak euskararen erabilera herriko arlo guztietan sustatzeko helburua duen heinean, administrazioan ere euskararen presentzia handitzea eta herritarren hizkuntz eskubideak bermatze aldera, honen zuzentasuna eta ulergarritasuna garrantzitsua baita.
Udaleko teknikariek administraziorako euskara trebatzeko ikastaroak hasi dituzte UEMAren eskutik
Hondarribiko Udaleko zenbait langilek UEMAko (Udalerri Euskaldunen Mankomunitatea) teknikariaren eskutik hamabi orduko ikastaroari ekin berri diote. Ikastaroaren helburua administrazioko hizkeran trebatzea, ohiko hizkuntz akatsak zuzentzea eta idatzi argiak eta ulergarriak sortzeko irizpideak finkatzea da.