Antolatzaileak pozik azaldu dira aurtengo parte hartze zabalarekin. Izan ere, iaz bezala, elkarteko kideez gain hainbat familia hurbildu dira umeekin. Orotara 50 bat lagun elkartu dira aurten, eta giro ederrean ibili ziren larunbatean Bostak bat, Montañenea, Villa Agur, Gurutze, Txapelin, Erranda-Zar, Errandonea, Postigu, Mixerebe, Mikelenea, Lujunea, Nabarroenea eta Arroka Berrin amaitzeko.
Hirugarren urtea zuten mairuen usadioa urte luzetan mantendu duten herriko emakume baserritarrak omentzeko keinua egiten hasi zirenetik. Eta bietan, Kontxi Imaz eta Zelestina Miranda omendu ondoren, aurten Lujunea baserriko Juncal Daguer Beltrani omenaldia egin diote, Uxue Alberdik idatziriko bertso bat eta lore sorta batekin. Argitu dutenez, urtero haien zain egoten da ilusio eta irribarre handi batekin. Aipatu beharra dago ere, Nabarroenea baserrian Zelestina Miranda Bengoetxearekin ere elkartu direla aurten. Urte luzeetan emakume honek gorde baitzuen mairuen usadio zaharra, Emeki elkarteak 1992a antolatzen hasi arte. Eta haiekin parte hartu izan du askotan.
Ibilbidea Arroka Berrin amaitu zuten, urtero bezala, bertako amonak prestatutako aperitibo batekin. Eta ibilbidea bildutako puskekin (arraultzak, intxaurrak, gazta, gailetak...) bazkaria prestatu zuten gero Jaizkibel kanpalekuko jatetxean.
