Egitaraua jantzien erakusketa batekin abiatuko da maiatzaren 13tik 25era bitartean. "Nafarroako dantza, tradizio eta jaien jantziak" izeneko erakusketa Arma Plazan egongo da ikusgai astelehenetik larunbatera 10:00etatik 19:00etara, eta igandeetan 10:00etatik 14:00etara.
Maiatzaren 22an, ostegunez, "Momotxorroak, kaos baten istorioa" dokumentala proiektatuko da Itsas Etxean, 19:00etan, eta ondoren mahai-inguru bat egingo da. Sarrera doakoa izango da, eta Arma Plazan edo tickets.kutxabank.es atarian eskuratu daiteke.
Maiatzaren 23an, ostirala, dantza emanaldi berezi bat izango da Santa Maria Madalenan 19:00etan. Otsagabiko Dantzariak eta Kemen Dantza Taldea arituko dira bertan.
Larunbatean, maiatzaren 24an, "Gamazada" izeneko ikus-entzunezko ikuskizuna eskainiko du Ortzadar Euskal Folklore Elkarteak, 19:00etan Arma Plazan.
Azkenik, maiatzaren 25ean, igandez, "Dantzari Txiki Eguna" ospatuko da. Goizeko 11:00etatik aurrera dantzari gazteek herrian zehar dantzatuko dute, eta 12:30ean agerraldia egingo dute Arma Plazan. Egunari amaiera emateko, 16:00etan erromeria bat egingo da Soroetan. Parte hartuko duten taldeak hauek izango dira: Adaxka, Kemen Dantza Taldea, Ortzadar (Iruñea), Tantirumairu (Lesaka), Lurra (Urretxu), Akelarre (Hendaia) eta Hondarribiako musika eskolako dantzariak.
Hondarribia Dantzan ekimenak euskal dantzaren aniztasuna erakusten du, eta, aldi berean, belaunaldi berrientzako transmisio-lan garrantzitsua egiten du.