Amute Auzo Elkarteak 2025eko haur danborradan parte hartzeko izen emateak zabaldu ditu. Dena den, entsegu egunetan ere inskribatzeko aukera egongo dela azaldu dute elkartetik. Izena, abizena, adina, helbide elektroniko bat eta telefonoa eman beharko dira.
Entseguak irailaren 4an eta 5ean egingo dituzte. Bi egunetan entseguak 18:00etan hasiko dira eta ordubeteko iraupena izango dute. Amuteko lokalean izango dira. Azken egunean, gainera, danborren banaketa egingo dute. Haurren danborrada, aldiz, irailaren 7an izango da. Goizeko 11:15ean abiatuko da Mendelutik.