Hondarribiko emakumezkoak banderaz bandera ETE Ligako lidergoa sendotzen doaz. Atzo Portugaleten 3 segundoko aldea atera zioten Zarauzko traineruari, eta 12 segundo Kaikuri. Horrenbestez Osertz Aldayk entrenatutako neskak 3 puntuko aldearekin lidergoan dira 54 punturekin.
Herrian harrera ofizialik ez diete egin orain artean, baina denboraldia hasi berria dutela, jokatutako zazpi estropadetatik bostetan nagusitu dira, Hernani, Zarautz, Camargo, Lekeitio eta Portugalete. Eta jokatutako azken lau banderak Hondarribira ekarri dituzte. Datorren asteburuan estropada bikoitza izango dute. Sestaon larunbatean, eta Zumaian igandean.
Portugaleteko XLIV Bandera (emaitzak)
| 1º | Hondarribia Bertako Igogailuak | 11.02.34 | |
|---|---|---|---|
| 2º | Zarautz Gesalaga Okelan | 11.05.39 | |
| 3º | Red Eléctrica Kaiku | 11.14.99 | |
| 4º | Deusto-Bilbao | 11.20.83 | |
| 5º | Isuntza - Elecnor - Cikautxo | 11.21.25 | |
| 6º | Ondarroa - Cikautxo | 11.29.30 | |
| 7º | Hernani Mitxelena Mekanizatuak | 11.37.00 | |
| 8º | Portugalete | 12.24.27 |
ETE LIGA Sailkapen Nagusia
| 1º | Hondarribia Bertako Igogailuak | 54 |
|---|---|---|
| 2º | Zarautz Gesalaga Okelan | 51 |
| 3º | Red Eléctrica Kaiku | 42 |
| 4º | Deusto-Bilbao | 31 |
| 5º | Ondarroa - Cikautxo | 27 |
| 6º | Isuntza - Elecnor - Cikautxo | 21 |
| 7º | Hernani Mitxelena Mekanizatuak | 19 |
| 8º | Portugalete | 7 |
Bestalde, gizonezkoek ere asteburu bikaina osatu dute Galizian. Joseba Amunarriz patroien Caixabank sailkapen buru instalatu da, Galiziako ur korronte zailetan erakustaldia egin ondoren. Larunbatean eta igandean, hirugarren amaitu du Ama Guadalupekoak Chapela eta Bueun, joan den igandeko hirugarren postuari jarraipena emanez. Arraunketa ona hartu dute Mikel Orbananosek entrenatutako arraunlariek, eta ziklo edo trantsizio denboraldia duten honetan, EuskoLabel Ligan bosgarren kokatu dira dagoeneko, 60 punturekin, laugarren den Getariarekin berdinduta. Zierbena zazpi puntura dute aurretik, baina beste hainbeste puntuko abantaila dute Donostiarrarekin, seigarren.
Heldu den asteburuan Donostia eta Getxoko estropadak jokatuko dituzte.