Baloreak lana kaleratu du Nerea Kortabitartek, beste hainbat emakumerekin batera. Bidasoa ibaira begira, gosaltzen ari zela, motordun txalupa bat ikusi zuen bertan, hara eta hona, hildako baten gorpuaren bila. Berehala sentitu zuen zerbait egiteko beharra. “Aski da” esateko beharra sentitu zuen erraietatik. Eta giza eskubideak zein balore unibertsalak hizpide dituen Baloreak lana kaleratu zuen 2023 urte amaieran.
(Argazkia: Txingudi Online)