Urtero bezala, maila guztietako ikastaroak eskainiko dituzte. Hortaz gain, ikastaro bereziak ere antolatu dituzte: mintza ikastaroak, hika tailerra, C2 ikastaro konbinatuaz gainera eta Euskaltzaindiaren arauen tailerra. Eskolak astean 2, 3 edo 4 aldiz jasotzeko aukera egongo da.
Ikastaroetan izena emateko hainbat bide daude. Izen ematea aurrez-aurre egin nahi dutenak Legia karrikako 6. zenbakian dagoen Irungo AEK euskaltegira hurbildu daitezke. Euskaltegiaren bulego-ordutegia hauxe da: astelehenetik ostiralera 9:30etik 13:30era eta arratsaldeetan, 16:30etik 19:30era. Bestela, 943 62 88 34 telefono zenbakira deitu edo 688 746 633 zenbakira WhatsApp bidez.
Informazio gehiago nahi izanez gero, irun@aek.eus helbide elektronikora idazteko aukera duzu ere. Antxeta Irratian Beñat Alzaga, Irungo AEKko koordinatzaileak eman dizkigu xehetasun guztiak ondoko ekarrizketan.