«Askoren buruan zebilen» konpainia berria osatzeko ideiarekin auzoan inkesta bat egin ondoren, ehun lagunetik gora haiekin bat egiteko gogoa adierazi zutenez eman dute urratsa Meakan. «Belaunaldi berriek euren auzoko konpainian desfilatzeko aukera ematea eta berdintasunaren bidean konpromiso irmoa adieraztea» dute helburu. Argitu dutenez, urtetan beste konpainietan desfilatu izan duten herritarrek eta lehen aldiz desfilatuko dutenak animatu dira konpainia berriarekin bat egitera.
Eta gogotsu dabiltza lanean, jende gehiago batu dadin. Horretarako, gogotsu ari dira lanean, eta otsailan bazkari bat antolatzen ari dira elkar ezagutzeko eta harremanak sendotzeko. Eta udaberrian mendi ibilaldi bat ere egingo dute. Aurrerago emango dituzte xehetasunak @mekakokonpainia sare sozialetan sortu dituzten kontuen bitartez.
Horiek hala, Alarde Publikoak duen 9. infanteriako konpainia izango da Meaka. Hain justu, 2023an sortu zen San Miguel konpainiaren ondotik sortu denez, haien atzetik desfilatuko dute. Eta konpainia berria sortzeko haiengandik jaso duten laguntza eskertu dute. Era berean, Maite Vergara, Alarde Publikoko jeneralak ongi etorria eman die auzo elkartean egindako agerraldian, bere sustengua adieraziz.