Lau sari banatuko dituzte Ficoban antolatu duten laugarren Irungo Kirol Gala. Baina otsailaren 19an saritutako kirolariez harago, bertako kirolari guztiek egiten duten lana aitortu nahi du udalak. «Momentu hunkigarria» dela azpimarratu du Udaleko Kirol arloko ordezkari Borja Olazabalek, «ez direlako bakarrik goi mailako kirolariak aintzat hartzen, kirol munduan parte hartzen duten guztien lan itzela baizik».
Ficobako ekitaldira hurbildu eta gozatzera animatu nahi izan die Olazabalek irundarrei, baita erabakian parte hartzeko ere. Izan ere, emakume kirolari onena, gizonezko kirolari onena eta kirol talderik onena saritzen dituzte urtero, baina Irundarron Saria herritarrek bozkatzen dute. Horretarako, otsailaren 18ra arte egin daiteke irun.eus atarian eta Irun Txartela erabiliz. Kirolarien zerrenda beherago zehazten dugu.
Bestalde, hiriko kirolean historikoak izan direnei protagonismoa emateko saria ere presente izango da aurtengo edizioan: Txokolatezko Baloia. 2022an Leire Landa futbolari ohiak jaso zuen, eta 2023an Leontxo Garcia xakean espezializatutako kazetariak jaso zuen, xakearen dibulgazioan egindako lana aitortuz. Iaz, Bixio Gorriz futbolariari egin zioten aitortza, irundarra Donostiako Errealaren historian partida gehien (599) jokatu dituen jokalaria delako.
Irundarren Saria bozkatzeko proposamen zerrendari dagokionez, klub edo kolektiboen kasuan:
- Mariño Real Union (futbola): Euskal Ligara igo berria.
- Santiagotarrak (arrauna-piraguismoa): Espainian eta nazioartean emaitza bikainak lortua.
- Leka Enea (mahai tenisa): Errege Kopako semifinalistak.
- BAT Girls (atletismoa): Ohorezko Mailako zortzigarrena.
- Bidasoa XXI (igeriketa): Emakumezkoetan eta gizonezkoetan Ohorezko Mailara igo berria.
- Bidasoa Irun eskubaloia: Asobal Ligako txapeldunordea.
Kirolariei kasuan honakoak:
- Naroa Zubimendi (arrauna): 23 urtetik azpikoen munduko txapeldunordea lemazain gabeko bikoan.
- Irune Muguruza (atletismoa): 23 urtetik azpikoen 400 metroko hesi lasterketako Espainiako txapelduna eta Euskadiko errekor absolutuduna.
- Haimar Etxeberria (txirrindularitza): Profesionaletan debutatu berria eta Bidasoa Itzuliko etapa baten irabazlea, besteak beste.
- Patrick Laketxe (OCR): Taldekako Munduko OCR Txapelketako irabazlea.
- Ander Gamon (automobilismoa): Espainiako Abiadura Txapelketako irabazlea.
- Chrystian Ribeiro (MMA): Profesionaletan debutatu berria eta bi borrokalditatik bi irabazia.
- Borja Estomba (triatloia): Iron-Man Mundialean parte hartu izana.
- Alberto Domingo (motoziklismoa): Raid rallyetako parte hartzailea eta Baja Aragón txapelketako finisher-a.
- Paula Vicente (borroka): Espainiako Jiu-Jitsu Txapelketako irabazlea eta Ne Waza Txapelketako hirugarrena.
- Alba Rodriguez (borroka): Espainiako Grappling Txapelketako irabazlea kimonorik gabe eta hirugarrena kimonoarekin.
- Paula Santamaría (borroka): Espainiako Jiu-Jitsu Txapelketako eta Ne Waza Txapelketako bigarrena.
- Angela Rodriiguez eta Iker Martiinez (mahai tenisa): Espainiako Binakako Txapelketa Mistoko hirugarrenak.
- Uxue Arsuaga, Maialen Arsuaga, Nerea Garcia eta Carla Corral (piraguismoa): Espainiako K4 500 modalitateko txapeldunak.
- Pepe Diz (atletismoa): Maratoi zirkuituko sei major-ak egin dituen lehenengo irundarra.