Bidasoa Irunek 33-30 galdu zuen atzo Lisboan, Benficaren aurka. Bainaporrotaren gainetik Bidasoako gazteek erakutsitako balentria eta goi mailan lehiatzeko gaitasuna goraipatu ditu Alex Mozas entrenatzaileak. EHF European Leagueko Main Round sailkapen faseko azken partida zuen atzokoa Bidasoa Irunek. Hala ere, joan den astean Limogen aurka (35-30) irabazi eta gero, EHF European Leagueko final laurdenetarako sailkatuak zuende.
Historian aurreneko aldiz jokatuko dute hurrengo fasea, eta beraz, Lisboako partida «tramite hutsa» zela iragarri zuen Julen Aguinagalde zuzendari teknikoak astelehenean. Hala ere, klubak ez du aukera galdu, eta lehiatuz, baina etorkizunean inbertitzeko minutuak baliatu ditu. Alex Mozas entrenatzaileak gutxien jokatzen duten jokalariei eta harrobikoei aukera eman zien atzo. Eta horregatik bada ere, 33-30 galdu bazuten ere, gaualdi berezia izan zen Lisboan. Atzo Ander Garcia, Endika Wamba, Unai Barreto, Alex Raix, Andoni Beraza eta Jon Ander Iribarrek Europako lehiaketan debuta egin zuten Bidasoarekin. Asier Iribarrek eskarmentu handiago du, eta atzo 11 gol egin zituen. Baina pozik azaldu da Antxeta Irratian bere anai txikiarekin kantxa partekatu ahal izanagatik. Gazteenek nortasuna erakutsi zuten atzo Benficaren kontrako partidan.
Orain EHF European Leagueko final laurdenetako arerioa zein izango den zain dago kluba, eta atsedenik hartu gabe, eta jokalariak heldu den asteburuko Ademar Leonen aurkako partida konplikatua prestatzen hasiko dira.