Ekimen sinboliko honekin herritar guztiak sentsibilizatu nahi dituzte horrelako ekintzak normalak bihurtu ez daitezen. Real Union Clubak berak harrobiko jokalariekin aurrera daraman HAZI proiektuaren baitan, elkartasuna, kultur-aniztasuna, berdintasuna, errespetua eta arrazismoa eta homofobiaren kontrako hainbat ekimen burutu dituzte azken bi urteetan, jokalari gazteen artean giza-balioak landu nahian.
Alde horretatik, Gorka Alvarez Udaleko Giza Eskubideen ordezkariak eta Borja Olazabal Kiroletako ordezkariak «arrazakeriak Irunen ez duela lekurik» gogoratu dute. Alvarezek azpimarratu duenez, «diskriminazio moduren aurka borrokatzeko dugun betebeharra eta erabakia berretsi behar dugu. Erreferentzia xenofobo eta arrazistak dituzten adierazpenek ez dute lekurik gure hirian». Era berean, diskurtso arrazista oro pertsona guztien arteko funtsezko berdintasunaren aurkakoa denez, Irungo Udaletik edozein ekintza, manifestazio edo gertakari arrazista gaitzesten jarraituko dutela argitu du.
Borja Olazabalek ere argi utzi nahi izan du Udaletik lanean jarraituko dutela Irun hiri tolerantea izan dadin. Eta halako ekimen sinbolikoak Real Union bezalako erakunde baten eskutik egitea, tresna ezin hobea dela azpimarratu du, arrazismoaren kontrako aldarriari ikusgarritasuna emateko. Era berean, eraso arrazistak jasan dituen Real Unioneko harrobiko jokalariari elkartasuna adierazi dio.