Patricia Duro erizaina da, psikologoa, gizarte langilea, eta azken 46 urtetan gizarte aktibista. Korralitoa gertatu zenean borrokatzaile sutsua izan zen. Duraró Herri erakundeetako kide da, eta Argentinako hirigune handien ertzetatik, Javier Milei presidentearen politiken eragin soziala salatzen ari dira, bere gobernuak aurrekontuetan oinarritutako agenda ekonomikoa sustatu duelako, eta diru-laguntzak ezabatzea eta oinarrizko eskubideetan murrizketak egitea erabaki duelako.
Argentinako Ekonomia Politikorako Zentroak (CEPA) eta Avellanedako Unibertsitate Nazionalak ohartarazi dutenez, egungo ereduak urte arteko %250etik gorako inflazio metatua, pisuaren debaluazio handia eta elektrizitatea edo garraioa bezalako oinarrizko zerbitzuetan %300ko igoera eragin dute politika hauek. Alde horretatik, Estatistika eta Errolda Institutu Nazionalak (INDEC) emandako datuen arabera, pobreziak biztanleriaren %57ri baino gehiagori eragiten dio dagoeneko. Mobilizazio sozialak areagotu egin diren honetan, 'El pueblo no es la kasta' eta 'No al ajuste de Milei' bezalako kontsignak urtarriletik daude kaleetan, eta sindikatuekin, oinarrizko erakundeekin eta mugimendu piketeroekin batera, erosteko ahalmena eta oinarrizko eskubideak azkar galdu direla salatzen du aktibista honek. Apirilaren 29an Kabigorrin hitzaldia ematera gonbidatu du Erletxeak, beraz, Argentinan bizi duten egoera sakonean aztertzeko.
Kabigorriko programazio mamitsua
Erletxearen eskutik heldu den astean antolatutako hitzaldiaz gain, programazio kultural mamitsua egiten du Kabigorrik heldu den astebururako. Apirilaren 24tik ekainaren 14ra, Parekide elkarteak antolatuta "Plastikozko ametsak" argazki erakusketa egongo da ikusgai bertan, klima aldaketak planetako hainbat lekutan emakumeen roletan izaten ari den eraginaz hausnartzera gonbidatuz.
Apirilaren 25ean, 19:30ean, sorkuntza prozesuak eta artisten migrazioak hizpide izango dituen 45 minutuko solasaldia antolatu dute. Bertan, artistek haien kultura prozesuen eta garatzen diren espazioen garapenean izandako esperientzietatik hartuko dute hitza. Ondoren, "Dejar atras la casa en llamas" poesia errezitaldia izango da.
Bestalde, larunbatean (apirilak 26) kabareta izango da Kabigorrin. "Kabaret Popkorn" deituriko umore ikuskizuna eta bakarrizketa absurdoa eskainiko dute Aitor Nabarro eta Laura Muñozek.