Irunen, aldiz, hondartzarik ez dago, baina uda eta beroa ate joka ditugula, igande honetan, ekainak 15, irekiko ditu udalak San Martzial-Txingudi instalazioetako igerilekuak. Igerilekuen denboraldia irailaren 15era arte luzatuko dela iragarri dute, eta aurreko urteetan bezala, bi txanda antolatuko dituzte: goizekoa 11:00etatik 15:15etara, eta arratsaldekoa 16:15etatik 20:30etara.
Igerilekuaren edukiera mugatua denez, erabiltzaileek Udalaren webgunean eman behar dute izena, bi eguneko aurrerapenarekin. Sarrerak egunero 22:00etan jarriko dituzte salgai, 18 urtetik gorakoentzat 2,20 € prezioan, eta 4 eta 17 urteko haur eta gazteek, aldiz, 1,80 € ordaindu beharko dute. Hiru urtetik beherako umeak doan sar daitezkeen bitartean.
Udalak oroitarazi duenez, erreserba eginda, igerilekura joaterik ez duen orok, egun berean goizeko 11:00ak baino lehen utzi beharko du bertan behera webgunean bertan edo 943 62 72 66 telefonora deituz. Erreserba kendu ezean, hurrengo 7 egunetan ezingo dute beste erreserbarik egin ahal izango.